ريم بصوت عالي:مابي مابي
ام ريم:يمه الي تسوينه ما منه فايده
ام بدر:ريم ياقلبي قومي معي يادوب نخلص لان الرجال بيملك وياخذك لبيته على طول
ريم ضاقت فيها الدنيا وعرفت انها مالها سند في هالدنيا والي يبيه عمها بيسويه فنساغت لوامرهم كأنها دميه يحركونها على كيفهم
خالد يكلم ابو بد
خالد:عطيت البنت الفلوس كلها
ابو بدر:أي عطيتها العشره كلها
خالد:اجل يالله بكره اشوفك
زياد طول الوقت مشغول يجهز فلته الصغيره الي في حي بعيد عن حيهم
زياد يكلم صاحب اكبر محل اثاث في الرياض:ابيك اتأثثها من كل شي خلال اسبوع
صاحب المحل:انشاء الله
طلع زياد من المحل ودق على فهد
فهد:هلا بالقاطع
زياد بضحكه:انا القاطع والا انت
فهد:اقول لايكثر انت وينك فيه
زياد:لايكثر هاه اجل ضف وجهك
فهد:هههههههههه خلاص يابوك بس قول انت وينك
زياد:أي كذا تأدب انا دقيقه بمرك
فهد:يالله انتظرك
هنادي تكلم عبير:تعالي لنا البيت
عبير:لا تعالي انتي
هنادي:بس انا استحي
عبير:اقول خلي عنك الدلع وتعالي دانه اختي بتجي وغلا بعد
هنادي اول ماسمعت اسم غلا ضاق صدرها تدري ان غلا تبي فهد بس هي ماتدري وش شعور فهد ناحيتها
هنادي:خلاص بجيكم العصر
عبير:بنتظارك
سكرت هنادي من عبير وقامت تشوف وش تلبس طلعت لها بنطلون جينزمع بلوزه بيضاء طويله شوي للركبه وكانت على قصه حلوه مطلعه تفاصيل جسمها وحطت ميك اب خفيف
تجمعو البنات عند عبير وقت العصر الا اميره الي عتذرت لانها تعبانه شوي
غلا بدلع:عبير ابي مويه
عبير:من عيوني الحين اجيب لك مويه
غلا ردت بسرعه:لا انا ابي اروح اجيب بنفسي تعرفيني مااحب اشرب من يد احد
عبير:براحتك
طلعت غلا وهي مع الدرج سمعت صوت فهد في غرفته يكلم ففكرت كيف تخليه يطلع ويشوفها شافت بازه كبيره محطوطه في الممر ظربتها برجلها وطاحت ونكسرت فطلع لها صوت فسوت نفسها انها دايخه وضربتها ماحست
طلعو البنات على الصوت وفهد في نفس الوقت وكانت غلا جالسه ماسكه راسها
دانه تمسكها:غلاحبيبتي فيك شي
غلا بصوت حاولت يكون ثقيل:مادري احس بدوخه
هنادي عيونها معلقه بين فهد وغلا تبي تشوف ردت فعل فهد اذا حست انه يحبها بتقفل على حبه في قلبها
فهد بهدوء وهو صاد:تبين المستشفى
غلا ودها تذبحه كل هذا وماعبرتني
عبيرجابت عبات غلا وقالت :غلا خوذي عباتك تغطي
غلا في نفسها "من قالك جيبي عباتي"
اخذت دانه العباه وغطت غلا بشكل غير مرتب
فهد اول ماغطوها قال:يالله نوديها المستشفى
غلا بقهر ماهو واضح:لامابي المستشفى بس دخلوني داخل
جت هنادي بتشيل مع دانه غلا لكن وهي تمشي دخلت قطعه من البازه في رجلها
هنادي صرخت بصوت عالي :اااااااااااااه
عبير تمسكها:اجلسي رجلك كلها دم
جلست هنادي وهي تتألم
فهد يقرب منهن:جيبي عباتك بنوديها المستشفى
زياد يرد السلام على ام فهد وامه
ردن السلام عليه
زيادوهويحب راس امه قال ببتسامه:اخبار العجوزات
ام زياد:عجوزات في عينك ماعجوز غيرك
زياد:هههههههههههه اذا انا عجوز اجل انتي وش
ام فهد تضحك:هي ست البنات
ام زياد:اسمع الكلام الزين ماهو كلامك
زيادبضحكه قال:اكيد من شاهد للعروسه
ام زياد تضربه بمخده صغيره :اقول انقلع
زياد :افا تطرديني
ام فهد:يابوك خل عنك مناقر امك وروح لفهد في غرفته
طلع زياد فوق وشاف هنادي جالسها
زيادبخوف:هنادي وش فيك
غلا قامت اول ماشافت زياد لانها تعرف انه يعرف هالحركات ومستحيل تمر عليه زي الباقين
هنادي بصوت خفيف:وطيت قطع من البازه المنكسره ودخلت في رجلي
زياد يمسك رجلها ويشوف الجرح لقاه صغير بس جاي على عرق في الرجل لذلك صب دم كثير
زياد بمكر:اوووووه لاهذا يبي له خياطه
هنادي بخوف:والله
زياد بجد مصتنع:أي يالله قومي بوديك لا يذبحك
هنادي بكت بصوت عالي
زياد ضحك بصوت عالي:ايا البزره الحين تصدقين كل شي
هنادي بين شهقاتها بشكل طفولي قالت:ياكذاب
فهد ابتسم على رد هنادي
زيادببتسامه:الحين تقولين لخوك ياكذاب
فهد:تتستاهل
زياد يرفع نظره في فهد :انت من متى هناء
فهد ببتسامه:من زمان
زياد:الحين انت ماتستحي جالس وسط البنات
فهد طاح وجهه وقال وهو طالع:اقول لاخلصت تعالي في غرفتي
دانه:حرام عليك ليه تقول لفهد كذا
زياد ببتسامه:تكلمت محامي فهد وانا صادق خير جاي هناء
عبير:هو سمع صوت البازه يوم طاحت وجاء
زياد يأشر بيده وهو طالع:خلاص حصل خير
ردت ريم وعمتها ام بدر من السوق وشرن بعض لاشياء مثل فستان ناعم للزواج وشرت ام بدر كذا قميص للنوم وكذا لبسه وكذا عطر ومجموعه من ادوات المكياج
ام بدر:ريم خل نمر المشغل نقص شعرك
ريم بحزن:كيفك عمتي
مرن المشغل وسوت لها كذا شغله مثل تنضيف للبشره وقصت شعرهامدرجات على طوله
عبير تلف رجل هنادي
هنادي:والله اني متفشله من فهد
غلا بقهر:ليه تتفشلين فهد ماجاب خبرك لانه مشغول فيني
عبير ببرائه:ليه انتي ماشفتيه يوم ابتسم يوم تقول لزياد ياكذاب كأنها بزر
هنادي بحياء:وافشلتها
غلا ماتت قهر من الوضع لان خطتها فشلت
دانه ببتسامه:ماعليك منه انتي كنتي بعباتك ونقابك
كملن البنات سهرتهن وغلا طول السهره متنكده
دخل زياد الجناح الخاص فيه
اميره ببتسامتها العذبه:هلاحبيبي
زياد يرد لها لابتسامه ويمسك يدها ويدخلها معه في الغرفه
زياد يجلسها على السرير ويجلس عند رجلينها على الارض وهو مازال ماسك يدها
زياد بجد:اميره الله يخليك اسمعيني من غير دموع
اميره تحط يدها على فمه وقالت بحب:لاتقول شي هنادي قالتلي كل شي
زياد وهم انزاح عن صدره قام وضم حبيبت عمره وحياته واميرته وكل شي في حياته
في الصباح
راح ابوبدر وزياد وخالد وفهد للمحكمه عشان يملكون لزياد
بعد الملكه قال زياد لبوبدر:وين بيتك عشان بجي في الليل اخذ العروس قالها بسخريه
ابوبدر وصف له البيت
رد زياد لشركه ومعه فهد
[center]
الأربعاء أبريل 04, 2012 6:09 pm من طرف العجمى
موضوع: باقى الجزء الثانى (بعدنى عنه وجرحنى) 